Baskoniak Euroligan ere irabazi nahi dio Bartzelonari

Gasteiztarrek Kataluniako taldea hartuko dute gaur Buesa Arenan (20:30). ACB ligan, 82-71 nagusitu ziren
Achille Polonara, Bartzelonaren aurka, Espainiako Superkopan.
Achille Polonara, Bartzelonaren aurka, Espainiako Superkopan. R. D. L. ROCHA / EFE Tamaina handiagoan ikusi

Berria -

2020ko urriak 30

SASKIBALOIA. Lehiak ez du etenik, eta ACB ligan Manresaren aurka jokatu eta bi egunera ariko da berriro TD Systems Baskonia. Euroligako neurketa du Gasteizko taldeak gaur, eta ez nolanahikoa, Bartzelona hartuko baitu Buesa Arenan (20:30, DAZN), lehiaketa horretako seigarren jardunaldian.

Dusko Ivanovicek entrenatutako taldeak helburu jakin bat du: Bartzelona mendean hartzea. Badaki nola egin dezakeen. Izan ere, bi taldeek duela bi aste jokatu zuten elkarren aurka ACB ligako neurketa, Buesa Arenan, eta etxeko taldeak irabazi zuen: 82-71. Gaur beste horrenbeste eginez gero, hirugarren garaipena lortuko lukete Euroligan; hirugarrena lau jardunalditan, jada bi partida atzeratu baitizkiete kontrarioan izandako positiboengatik.

Bartzelonak, berriz, bost norgehiagoka jokatu ditu, eta lau irabazi, azken hirurak jarraian. Herenegun, ordea, UCAM Murtziak ezustean hartu zuen ACB ligan: 77-73 nagusitu zitzaion. Alferrikakoa izan zen Nikola Miroticen lan ona: hemeretzi puntu. Hain zuzen ere, Mirotic da aldaketa nagusia Baskoniaren aurkako ligako partidarekin alderatuta, orduko hartan ez baitzen aritu, koronabirusean positibo eman baitzuen. Gaur jokatu egingo du, eta hura zaindu beharko dute gasteiztarrek.

Aurkariaren maila azpimarratu zuen atzo Ivanovicek. «Talde handia da, eta ondo ari da. Gainera, Mirotic du, partida erabakita utz dezakeen jokalari bat. Baina, Miroticez gain, neurketa irabaz dezaketen hainbat jokalari ditu. Horregatik, azken lehiako defentsa hobetu behar dugu»

Baskoniak ez du zaleen babesa izango gaur; ez, behintzat, harmailan. Izan ere, Espainiako Osasun Ministerioak erabaki du nazioarteko lehiaketetan ez egotea ikuslerik harmailetan.

Bestalde, bertan behera geratu zen atzo Retabet Bilbo Basketek Miribillan Andorraren aurka jokatu beharreko partida, bilbotarren kontrarioan izandako positibo batengatik.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Erik Jaka, txapeldun

Erik Jaka, txapeldun

Jon Eskudero

Hasieratik aurrea hartu ondoren, aldea ongi kudeatu eta bizitzan estreinakoz buruz buruko txapeldun izan da Erik Jaka. Bukaeran sufritu arren, 22 eta 20 irabazi dio Jokin Altunari. 

Jaka eta Altuna, pilota aukeraketan. ©Gorka Rubio / Foku

Txapela, sentimenen gainetik

Julen Etxeberria

Jokin Altunak eta Erik Jakak buruz buruko finala jokatuko dute gaur, Bilbon. Lagun minak dira, baina kantxan alde batean utziko dute euren adiskidantza, saririk handiena baitute jokoan
Ante Budimir Osasunako aurrelaria. ©Jesus Diges / EFE

Dorreen jiran eraikia

Eñaut Agirrebengoa

Osasunak aurrelari garaien alde egin du apustu, eta, horren ondorioz, bestela jokatzeari ekin dio. Esentzia berbera da, baina joko zuzenak garrantzi handiagoa du orain, 4-4-2 sistemaren barruan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna