Albistea entzun

Jordan, Sevillara; Avila, Osasunara, eta Saul, Alavesera

Berria -

2019ko ekainak 28

FUTBOLA. Mugimendu handia izan zen atzo Eibarren, Osasunan, Alavesen eta Athleticen. Gipuzkoako taldean, aspalditik espero zena baieztatu zen: Joan Jordanek Sevillan jokatuko duela. Haren truke, Eibarrek hamar milioi euro pasatxo jasoko ditu. Jordanek bi denboraldi egin ditu Eibarren.

Nafarroako taldean, berriz, ez da inor joan, etorri baizik. Iruñeko taldeak lau sasoirako fitxatu du Luis Ezequiel Avila Chimy 25 urteko aurrelari argentinarra, eta, horretarako, 2,7 milioi euro ordainduko dizkio San Lorenzo de Almagro Argentinako taldeari. Chimy Avilak utzita jokatu du azken bi sasoietan, Huescan, ondo jokatu ere: 71 partida jokatu ditu, eta hamazazpi gol sartu.

Saul Garcia Deportivoko ezker hegaleko atzelari espainiarrak, berriz, Alavesen jokatuko du datozen lau denboraldietan. 24 urte ditu, eta Galiziako taldeak utzita aritu da Tenerifen, Gironan, Mallorcan eta Numantzian. Amaitu berri den sasoian Deportivon jokatu du, eta 20 partidatan aritu da. 111 partida jokatu ditu Bigarren Mailan.

Bestetik, Andrea de la Nava 25 urteko atezain barakaldarrak Logroño utzi du, eta Athleticen ariko da datozen bi sasoietan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Elaine Thompson-Herah nagusi atzo. ©JUAN IGNACIO RONCORONI / EFE

IZAR BAT KONSTELAZIOAN

Ainara Arratibel Gascon, Berriemaile berezia

Elaine Thompson-Herah jamaikarrak bigarrenez segidan irabazi du 100 metrokoa. Marka olinpikoa ezarri du: 10,61. Shelly-Ann Fraser-Pryce eta Shericka Jackson herrikideak izan ditu alboan.
 ©BERRIA

1992. urtea

Jakes Goikoetxea

Gizonei nagusitu zitzaien plater tiroketan, lehiaketa mistoa izan den olinpiar joko bakarrean, bartzelonan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna