PILOTA. Laso-Imaz eta Irribarria-Rezusta bikoteek binakako txapelketako lehen puntua lortu zuten atzo nagusitasun osoz. Laso-Imazek hasieratik goitik behera menderatu zituzten Urrutikoetxea-Aranguren, Iruñeko Labriten: 9-22. Imaz nagusi izan zen atzeko koadroetan, eta oiartzuarrak jarri zuen lehiaren erritmoa. Aranguren, berriz, deseroso zebilen; defentsan gehiago aritu zen erasoan baino. Aurrean, Lasok hankapean ibili zuen Urrutikoetxea. Nafarrak abiada handiz jokatu zuen.
Bartzelonako pilotalekuan, berriz, Irribarria-Rezusta bikoteak aise menderatu zituen Altuna III.a-Martija: 11-22. Aurrelari aramarrak partida bikaina egin zuen; boleaz min handia egin zion Amezketakoari.
Gaur, Ezkurdia-Tolosak eta Elezkano II.a-Zabaletak itxiko dute lehen jardunaldia (17:00, ETB 1), Mungian (Bizkaia). Herenegun ekin zioten binakako txapelketari, eta Peña II.a-Albisu 22-15 nagusitu ziren Jaka-Mariezkurrenaren aurka, Berriozarren (Nafarroa).
Laso-Imaz eta Irribarria-Rezusta bikoteek lehen puntua lortu dute
Aurreneko bikoteak 9-22 irabazi dio Urrutikoetxea-Arangureneri, eta bigarrenak 11-22 Altuna III.a-Martijari
Iruzkinak
Ez dago iruzkinik
Ordenatu
