MADRIL. Gaur sartuko da indarrean Eutanasiaren Legea Hego Euskal Herrian, baina PP alderdiak atzo iragarri zuen aurkako helegitea jarriko duela. Legea «Espainiako Konstituzioaren aurkakoa» dela iritzita, bertako zenbait artikuluren aurka azaldu da: horien artean, kontzientzia eragozpenaren erregistroa baimentzen duena.
PPrena legeak izango duen bigarren helegitea da, Voxek ere aurreko astean jarri baitzion. Auzitegi Konstituzionalak helegitea aztertu arte legea bertan behera uzteko eskatu zuen.
Dena den, eutanasia eskatzeko eta gauzatzeko prozesua martxan jartzeko neurriak hartzen ari dira administrazioak. Jaurlaritzak, esaterako, jakinarazi du Berme eta Ebaluazio Batzordea eratu duela, baita kontzientzia eragozleen erregistroa ere. Prozesuari buruzko informazioa jarri du bere webgunean, eta formakuntza eskaini die profesionalei.
Eutanasiaren Legeari helegitea jarriko dio PPk
Iruzkinak
Ez dago iruzkinik
Ordenatu
