MIARRITZE. Bi hirien arteko «proiektu estrategikoak» garatzeko lankidetza memoranduma izenpetu dute Donostiako eta Miarritzeko (Lapurdi) herriko etxeek. Atzo egin zuten egitasmoaren aurkezpena Eneko Goia eta Maider Arostegi auzapezek. Bi herriko etxeen «interesekoak diren gaietan» lankidetzan sakontzeko helburuz egin dute hitzarmena,« hiriek partekatzen duten historia komunean oinarrituta eta hainbat arlotan erronka komunei aurre egiteko beharra ikusita».
Elkarlanerako borondate bat agertzea zen atzoko agerraldiaren helburuetako bat. Hemendik aitzina, arloz arloko lau batzorde tekniko sortuko dituzte, elkarren arteko proiektuak garatzeko: ekonomia eta mugikortasuna, turismoa eta kongresuak, kultura eta komunikazioa, eta hezkuntza, euskara, kirola, eta gazteria. Oraingoz, urtebeteko iraupena izanen du elkarlanak, eta berritzeko aukera dago.
Elkarlana adostu dute Donostiak eta Miarritzek
Iruzkinak
Ez dago iruzkinik
Ordenatu
