Aldaketak egongo dira antxoaren aurtengo kosteran

Sare pelagikoen erabiltzaileek lehenago hastea eskatu dute, eta tradizionalek kuota txikiagoa emango diete
Arrantzale bat antxoa kaxak mugitzen, Getariako portuan.
Arrantzale bat antxoa kaxak mugitzen, Getariako portuan. GORKA RUBIO / FOKU

Berria -

2020ko urtarrilak 15

GETARIA. Antxoaren aurtengo arrantzaldiak baldintza berriak izango ditu. Sare pelagikoen erabiltzaileek, Lapurdiko eta Frantziako arrantzaleek, lehenago hastea eskatu dute, eta, trukean, teknika tradizionalak erabiltzen dituztenek, Bizkaikoek, Gipuzkoakoek eta Espainiakoek, kuota txikiagoa emango diete. Bi aldeek atzo egin zuten bilera Getarian (Gipuzkoa), «sintonia onean», Miren Garmendia Gipuzkoako kofradiaren ordezkariaren ustez, eta, ondo bidean, akordioa itxiko dute urtarrileko epea amaitu aurretik.

2009tik aurrera Bilboko ituna delakoak arautu izan du Bizkaiko Golkoko antxoa arrantza, baina dagoeneko ez dago indarrean, eta pelagikoen erabiltzaileek baldintzak aldatzea eskatu zuten. Itun horren arabera, teknika tradizionalen erabiltzaileek martxoaren 1ean hasten zuten kostera; pelagikoen erabiltzaileek, aldiz, ekainaren 1ean. Bi arrantza motek topo ez egitea zen helburua, eta trukean Bizkaiko, Gipuzkoako eta Espainiako arrantzaleek 1,7 milioi kiloko kuota ematen zieten Lapurdi eta Frantziakoei.

Bi aldagai horiek egon ziren mahai gainean atzoko negoziazioan. Pelagikoen erabiltzaileak sei aste lehenago irteteko eskatzera iritsi ziren. Garmendiak «erdibideko» akordio bat espero du, eta «barne kontsultak» egin behar dituzte ezer itxi aurretik. Serge Larzabal itsasoko arrantzen departamendu arteko batzordeko presidentea ere bileran egon zen, Lapurdiko eta Landetako arrantzaleak ordezkatuz, eta baikorragoa da. «Profesionalen arteko akordioa dago, orain estatuei dagokie berrestea».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiari 1813an su eman ziotela oroitzeko Dora Salazarrek egindako eskultura, maskara jantzita ©JUAN CARLOS RUIZ / FOKU

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan.

PCR proba bat, Indian. Bigarren herrialde kaltetuena da hura. ©SANJEEV GUPTA / EFE

Milioi bat lagun baino gehiago hil ditu COVID-19ak

Iosu Alberdi

AEBetan erregistratu dute kasu eta heriotza gehien. Euskal Herriak munduko heriotza tasa handienetako bat du: 77 heriotza 100.000 biztanleko.

Konfinamendua ezarri zuten Azkoienen. ©Idoia Zabaleta / Foku

Hegoaldeko kasuen erdiak baino gehiago, Nafarroan

Uxue Rey Gorraiz

Beste 603 positibo zenbatu dituzte Hego Euskal Herrian; Nafarroan atzeman dituzte horietatik 318. Halaber, bi pertsona zendu dira birusaren ondorioz.

Maria Txibite, agerraldi batean. ©Jesus Diges / Efe

Txibitek esan du egoera «kontrolatuta» dagoela Nafarroan

Arantxa Iraola

Positibo «asko» izan arren konfinamendu orokorrik ezartzeko asmorik ez dutela adierazi du

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna