Frantzian aurkitu dute Donostiatik eramandako umea

DONOSTIA. Frantzian aurkitu dute urtarrilaren 29an Gipuzkoako Foru Aldundiaren tutoretzapean zen 3 urteko haurra. Onik dago, eta Frantziako gizarte zerbitzuen esku utzi dute. Ama eta bikotekidea atxilotu egin dituzte. Urtarrilaren amaieran, adingabea heldu batekin zihoala eraman zuen amak, bikotekidearen laguntzaz. Hori baino bi egun lehenago geratu zen aldundiaren tutoretzapean, «babesik gabe» zegoela erabaki ostean. Ertzaintzak haurra bilatzeari ekin zion, eta berehala zabaldu zuten ikerketa Schengen eremura, haurraren ama biologikoa eta bikotekidea atzerrira joan zirela sinetsita. Peñak atzo eginiko adierazpenen arabera, umea «babestuta» egon da «momentu oro». Gipuzkoara bueltatu beharko balu, jada aurkitu dute familia bat adingabea etxean hartzeko prest dagoena.