Sare sozialek kalte handiagoa egiten diete emakumeei

BILBO. Sare sozialetan jasotako iruzkin negatiboak direla eta, emakumeek antsietate, beldur, tristezia eta arazo gehiago izaten dituzte gizonek baino. Hala ondorioztatu du Deustuko Unibertsitateko azterketa batek. Zehazki, emakumeen %22k segurtasun falta sentitzen dute sare sozialengatik, eta gizonen %8k. Beldurrean (%6/%1), janari arazoetan (%10/%2), lo arazoetan (%15/%9) eta urduritasunean ere (%25/%12), andreek kalte handiagoak izaten dituzte, lan horren arabera.

Era berean, txostenak dio emakumeek joera handiagoa dutela gizonek baino sare sozialek eragiten dizkieten arazoen berri lagunei emateko. %22k gertatzen ari zaiena kontatzen dute arazoa hobeto kudeatzeko estrategia gisa. Gizonen artean soilik %11k egiten dute hori.