Iñaki Artolak eta Jokin Altunak jokatuko dute lau eta erdiko San Fermin finala
PILOTA. Iñaki Artolak eta Jokin Altunak lau eta erdiko San Fermin torneoko euren enpresetako adarrak irabazi dituzte, eta elkarren aurka ariko dira finalean, uztailaren 7ko eguerdian, Iruñean. Artola atzo sailkatu zen, Barañainen (Nafarroa), Joanes Bakaikoari 22-9 irabazita. Bakaikoa hobeto hasi zen (6-8), baina hortik aurrera Artolak ez zion aukerarik eman. Alegiarrak aurrenekoz jokatuko du finala. Altuna, aldiz, herenegun gauean sailkatu zen, Sopelan (Bizkaia), Joseba Ezkurdiaren aurka irabazi ondoren (22-19). Altuna torneoko txapeldunorde izan da azken bi urteetan.
Iruzkinak
Ez dago iruzkinik
Ordenatu