Baionako 2024ko besten egutegia moldatuko dute, Olinpiar Jokoengatik

BAIONA. Parisko Olinpiar Jokoek Baionako besten egutegian eragingo dute. Udalak jakinarazi duenez, 2024ko bestak bi aste aurreratzea da asmoa; hau da, uztailaren 10etik 14ra bitarte egitea. Bestetako segurtasuna bermatzea jo dute horretarako argudiotzat. Izan ere, Olinpiar Jokoak uztailaren 26tik abuztuaren 11ra bitarte egingo dituzte, Parisen, eta Frantziako Barne Ministerioak Parisko eta inguruetako segurtasun dispositiboa indartuko du. Ondorioz, adierazi dute ministerioak ezingo lukeela bermatu azken urteetako agente kopurua Baionan.