Albistea entzun

Emakumezkoen Euskal Herriko Itzulia

Faborito argirik gabe ekingo dio gaur Itzuliak

Lehen aldiz jokatuko da lasterketa, eta 112 ziklista ariko dira, 20 taldetan banatuta. Annemiek Van Vleuten ez da irteeran izango, eskuin eskumuturra apurtu ostean
Tamaina handiagoan ikusi

Berria -

2022ko maiatzak 13

TXIRRINDULARITZA. Historian gordeta geratuko da gaurko eguna: Emakumezkoen Euskal Herriko Itzuliaren lehen aldiari hasiera emango zaio Gasteizen. Hiru etapa izango dira. Gaurkoa Bastidan amaituko da, 105,9 kilometro osatu ondoren; bigarrengoa Mallabian hasi eta amaituko da bihar, 117,9 kilometro egin eta gero; eta hirugarrena, etzikoa, Donostian hasi eta bukatuko da, 139,8 kilometroren ondotik. Goiz-eguerdian dira etapak, eta ETB1ek zuzenean emango ditu.

Ez dago faborito argirik. Izan ere hautagai nagusia, Annemiek van Vleuten (Movistar), ez da lehiatuko. Eskuin eskumuturra hautsi zuen apirilaren 28an, eta ebakuntza egin zioten. Horrek irekitzen die aukeren atea gainontzeko ziklista indartsuei. 112 txirrindulari aterako dira guztira, hogei taldetan banatuta —Le Col taldea ez dator; 11 dira UCI mailakoak—, eta antzera daude barreiatuta beste faboritoak ere. Hauek dira batzuk: Lourdes Oiarbide (Movistar), Lucinda Brand (Trek), Ane Santesteban eta Urska Zigart (Bike Exchange), Eva Buurman eta Tereza Neumanova (Liv Racing Extra), Ashleigh Moolman (SD Worx) eta Liane Lippert (DSM). Mavi Garcia (UAE) ere hautagaien artean zegoen, baina haren taldea ez da ariko azkenean, hainbat positiborengatik.

Irabazten duenak irabazten duela, lan handia eginda izango da, ibilbidea gogorra delako. Gaurkoari dagokionez, etapari hasiera eman eta segituan igoko dute Zaldiaran. Rivas begiralekua eta Herrera ere igoko dituzte gero. Bihar eta etzi ere ibilbidea gorabeheratsua da.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Marcelino Garcia Toral, atzo, Athleticeko aulkian ez duela segituko iragartzeko prentsaurrekoan. ©MONIKA DEL VALLE / FOKU

Ez du interesik ikusi

Haritz Gallastegi

Marcelino Garciak uko egin dio Athleticen jarraitzeko aukerari, hiru hautagaien partetik ez duelako proiektu bat garatzeko apusturik ikusi. Penatuta doa

Jai Hindley, Richard Carapaz eta Mikel Landa, lehia betean, atzo. ©ITALIAKO GIROA

Beste urrats bat podiumerantz

Eñaut Agirrebengoa

Landak erasora jo du etapa nagusian, eta indartsu dagoela berretsi du; Hirt gailendu da Aprican

 ©Monika del Valle / FOKU
Ilunpe Azpeitiko taldeko pilotariak. ©BERRIA

Etxean uso, kanpoan otso

Jon Eskudero

Ultzamako Buruzgainek eta Azpeitiko Ilunpek irabazi egin dute Berria txapelketan, eta elkarren kontra jokatuko dute final-laurdenetan

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...