PARIS. Valery Giscard d'Estaing 1974tik 1981era Frantziako presidente izandakoaren aurkako ikerketa bat abiatu zuen atzo Parisko Fiskaltzak, Ann-Kathrin Stracke Alemaniako WDR kate publikoko kazetariak iragan martxoaren 10ean jarritako salaketaren harira.
Giscard d'Estaingek 94 urte ditu, eta Kontseilu Konstituzionaleko kidea da egun. Strackeren arabera, 2018ko abenduaren 18an egindako elkarrizketa baten ostean Frantziako presidente ohiak hiru aldiz jarri zion eskua bere ipurmasail batean.
«Pozik nago ministerio publikoak nire salaketa gorde duelako, eta ikerketa bat hastea erabaki duelako», adierazi zuen atzo kazetariak. Giscard d'Estaingek, aldiz, ez zuen adierazpenik egin. Salaketaren berri izan zutenean, Frantziako presidente ohiaren kabineteburu Olivier Revelek adierazi zuen bere bezeroak ez zuela hitzordu horretaz oroitzapenik gorde.
Giscard d'Estaing ikertuko dute sexu erasoengatik
Iruzkinak
Ez dago iruzkinik
Ordenatu