LITERATURA. Italian argitaratu da euskal emakume idazle garaikideen inguruko lehen azterlana, Veneziako Ca'Foscari Unibertsitatearen Rassegna Iberistica aldizkarian. Escrituras vascas de mujer izenburupean (Emakumezkoen euskal idazketak), Katixa Agirre, Eider Rodriguez, Karmele Jaio, Leire Bilbao eta Maixa Zugastiren lanak ikertu ditu EHUko LAIDA taldeak, Jon Kortazarren zuzendaritzapean. EHUko hainbat ikerlarik hartu dute parte —hala nola Xabier Etxanizek eta Karla Fernandez de Ganboak—, baita atzerriko zenbaitek ere: Santiago Perez Isasik (Lisboako Unibertsitatea), Aiora Sampedrok (Salamancako Unibertsitatea, Espainia) eta David Colbert-Goicoak (Hegoaldeko Unibertsitatea, AEB), esaterako.
«Orain, emakume idazleak ahots desberdinak erakusten ari dira, eta literatur sistemaren erdigunean daude», Kortazarrek adierazi duenez.
Andrazko euskal idazleez lehen ikerketa, Italian
Iruzkinak
Ez dago iruzkinik
Ordenatu
