Pascal Gaigne musikagileak Sade saria jaso du, bere ibilbidearen aitortza gisa

ZINEMA. Pascal Gaignek V. Sade saria jaso zuen atzo Donostian, hainbat lagun alboan zituela. Ehundik gora soinu banda ondu ditu konpositoreak, eta sariarekin, bere ibilbidea goraipatu dio Sade zinema enpresak. Ekitaldian izan ziren, besteak beste, Jose Luis Rebordinos Zinemaldiko zuzendaria, Moriarti zinemagile kolektiboko Aitor Arregi, Jon Garaño eta Jose Mari Goenaga, eta Pablo Malo zinema zuzendaria.