Albistea entzun

Raul Garcia: «Ez zait burutik pasatu futbola uztea»

<b>Raul Garcia.</b>
Raul Garcia. ARITZ LOIOLA / FOKU Tamaina handiagoan ikusi

Berria -

2023ko otsailak 8

FUTBOLA. Ekainean, Athleticeko sei jokalarik amaituko dute kontratua. Raul Garcia da horietako bat, eta atzo bere etorkizunaz mintzatu zen. Aurrelariak argi du: «Neure burua ondo ikusten dut, indartsu, eta goi mailan lehiatzen jarraitzeko moduan. Ez zait burutik pasatu uztea». Etorkizuna nondik nora joango den jakitea gustuko duten horietako bat izan arren, patxadaz hartu du kontratu berritzearen kontua. «Azken batean, bi aldeek jarri behar dugu ados». Nafarrak bere sentipenak azaldu zituen. «Hemen gustura nago, zoriontsu naiz. Baina berekoia izango nintzateke nigan bakarrik pentsatuko banu».

Sasoi honetan ohi baino gutxiago jokatu du, baina «errespetuz» darama egoera. «Nahikoa eskarmentu dut halako egoerak ulertzeko eta barneratzeko. Argi dut entrenatzaileak taldearen mesedetan hartzen dituela erabakiak. Nire lana da ondo entrenatzea eta jokatzen dudanean onena ematea». Taldea ondo ikusten du. «Uste osoa dugu egiten ari garen lanean; hori da bidea».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Beti Gazteko Maria Iantzi eta Karmelo Mitxelena, Lesakako plazan, Ipar Irlandatik ekarritako sariekin ©Lur Gil

Beti Gazteren urrezko aro berria

Lur Gil

Lesakako Beti Gazte sokatira taldea gorenera iritsi da. Lehen aldiz eman dio euskal selekzioari urrezko domina bat Goma Gaineko Munduko Sokatira Txapelketan, eta, gainera, lehenengo aldiz izan da munduko txapeldun maila mistoan, lur gainean eta goma gainean.

Beti Gazte.  Gizonezkoen taldea 1996an, Euskal Herriko lehenbiziko txapela irabazi ondoren ©Aitor Arotzena
 ©JON URBE / FOKU

«Denboraldian izan ez dugun konfiantza daukagu orain»

Julen Etxeberria

Bidasoa Sporting Lisboaren aurka ariko da gaur Artalekun, Europako Ligako final-zortzirenetako joanekoan (20:45, ETB4). Gorka Nietok esan du «bete-betean» aritu behar dutela, «gauzak ondo edo gaizki joan».
 ©JAIZKI FONTANEDA / FOKU

«Hiru urre lortu nahi ditut Espainiako Txapelketetan»

Unai Ugartemendia

Euskal Herrian iraupen eskiatzaileen artean atera diren azken harribitxietako bat da Alaia Juaristi. Jakako Mayencos taldean hasi zuen ibilbidea. Azken urteetako gorakadaren ondoren, Espainiako selekzioko jarraipen taldean ari da.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.