Gemma Zabaletak, Jone Goirizelaia hautagaiari babesa

BILBO. Atzo aurkeztu zen Jone Goirizelaia EH Bilduren Bilboko alkategai modura, taldearen ekitaldi batean, eta babesa ematera joandakoen artean izan zen Gemma Zabaleta PSE-EEko kide ohi eta Jaurlaritzako sailburu izana. Zabaletak BERRIAri azaldu dio Goirizelaia, pertsona gisa ez ezik —Ahotsak mugimenduan batera ibili ziren—, hautagai modura ere sostengatu duela. «Batetik, Jone laguna da, eta, garai batean, inkomunikazio politikaren aurka borrokatu ginen. Bestetik, pertsona fidagarria da, sinesgarritasuna du; nik esango nuke hautagairik fidagarriena dela. Horrez gain, politika egiteko beste eredu bat du, eta alternatiba berria behar dugu».

Goirizelaiak adierazi zuen «eskubideak defendatzeko eta injustiziakborrokatzeko» aurkeztuko dela Bilboko alkatetzarako. Maiatzaren 26an izango dira bozak. EH Bilduko legebiltzarkidea da gaur egun.