'Gure Oroitzapenak' film kolektiboak Habanako zinemaldian parte hartuko du

ZINEMA. Joseba Sarrionandiaren unibertsoa osatzen duen Gure oroitzapenak film kolektiboa Habanako 40. Zinemaldian lehiatuko da, Kuban. Muestra de Cine Español atalean hartuko du parte, beste zortzi filmekin batera; tartean da Black is Beltza, besteak beste. Abenduaren 9an eta 10ean aurkeztuko dute, eta bertan izango dira Fermin Muguruza, filmaren zuzendarietako bat baita, eta Hibai Castro eta Mikel Arredondo ekoizleak. Donostiako Zinemaldian aurkeztu zuten, eta, ordutik, herriz herri ari dira filma zinema aretoetan ematen.