Graeme Gibson idazle kanadarra hil da, 85 urterekin

LITERATURA. 1934an, Kanadako London hirian jaio zen Gibson. Five Legs (1969), Communion (1971) eta Gentleman Death (1993) nobelak idatzi zituen, besteak beste, baita elkarrizketa liburu bat ere, Eleven Canadian Novelists (1973), zeinetan Alice Munro eta Margaret Atwood elkarrizketatu zituen, besteak beste. Atwood eta Gibson bikote ziren, eta, lehenak joan den astean plazaratutako liburuaren aurkezpenagatik, Londresen ziren biak egunotan. Han hil da Gibson, familiak berri eman duenez.