Libanoko lehen ministroak kargua utzi du Saudi Arabiatik, hil egin nahi dutelako

BEIRUT. Ustekabean, Saudi Arabiatik telebista bidez egindako adierazpen batean, Saad Haririk iragarri du Libanoko lehen ministro izateari utzi diola. Azaldu duenez, bere aurkako atentatu bat prestatzen ari ziren, eta kritika zuzena egin dio Irani, herrialdeak Libano eta, oro har, herrialde arabiarretan egiten dituen esku sartzeengatik. Haririren arabera, Libanok 2005. urteko egoeraren oso antzekoa bizi du egunotan. Urte hartan hil zuten atentatu batean Haririren aita, Rafic Hariri, hura ere Libanoko lehen ministroa zela.