Pakistango armadaren hegazkin baten istripuan 18 pertsona hil dira gutxienez

ISLAMABAD. Pakistango armadaren hegazkin batek lurra jo zuen atzo Rawalpindi hirian, eta, istripuaren ondorioz, gutxienez hemezortzi pertsona hil ziren. Militarrek jakinarazi dutenez, hildakoetatik sei tripulazioko kideak ziren, eta gainontzekoak, zibilak. Armadak zehaztu zuen hegazkina maniobrak egiten ari zela eta etxebizitza bloke batzuk jo zituela.