OMEk azaldu duenez, «endemiak» esan nahi du gaitz bat beti dagoela toki batean

GENEVA.Pandemia hitzaren ondoan, endemia usu aipatu da azkenaldian, izurriaren fase arinago bati erreferentzia egiteko, baina OME Osasunaren Mundu Erakundeak esan du alderaketa hori ez dela ona: gaitz bat «endemikoa» izateak esan nahi baitu beti dagoela toki batean. Oroitu du hiesa eta malaria, adibidez, endemikoak direla eta milaka pertsona hiltzen dituztela. «Helburuak izan behar du, ahal bada, COVID-19ak ez inor hiltzea», adierazi du OMEko buru Mike Ryanek.