Evergrandek ez ezik, Kaisak ere arazoak ditu bere zorrak garaiz ordaintzeko

PEKIN. Porrotaren zarata hedatzen ari da Txinako eraikuntza sektorean. Evergrandaren akzioek beste koska bat egin zuten behera atzo, beste zor bat itzultzeko gai izan ez delako. Udan hasi zen zorrak kitatzeko epeak ez betetzen, Txinako Gobernuak bankuak behartu zituelako higiezinen enpresa oso zorpetuei mailegu gehiago ez ematera. Nola edo hala lortu du zorrak atzerapenarekin ordaintzea, baina onartu du horrela jarraitzeko gaitasuna galtzen ari dela. Haren lehiakide Kaisak ere jakinarazi du likidezia falta zaiola zorrei aurre egiteko.