Jokin Eizmendi izan da nagusi Albizuri Handia txapelketan, 11 jasoaldi emanda

HARRI-JASOTZEA. Egun berezia izan zen atzo Amezketan (Gipuzkoa), lau urte igaro eta gero berriz jokatu baitzen Albizuri Handia harria jasotzeko txapelketa. Zortzi harri-jasotzaile aritu ziren, nor baino nor gehiago, 166,5 kiloko harri baldarra bizkarrean berdintzen. Garailea Jokin Eizmendi izan zen. 11 jasoaldi eman zizkion harriari. Bigarren izan zen Xabier Peñagarikano Peña zortzirekin, eta hirugarren Beñat Telleria Telleria IV.a zazpirekin. Ezustekorik handiena Aimar Irigoienek eman zuen, ez baitzuen lortu jasoaldirik ematea.