EHU munduko laurehun unibertsitaterik onenen artean mantendu da
GASTEIZ. Shanghaiko Jiao Tong Unibertsitateak urtero egiten duen munduko unibertsitaterik onenen zerrendan segituko du EHU Euskal Herriko Unibertsitateak, zehazki laurehun lehenengoen artean, duela urtebete bezala. Eva Ferreira EHUko errektoreak nabarmendu du «zoriontsu» egoteko moduko lorpena dela, eta nazioartean «ikusgaitasuna eta ospe bikaina» duen erakusle dela. Gainera, EHUk zazpi espezialitate ditu munduko lehen berrehun unibertsitateen artean —iazko rankingean, berriz, sei zituen. Shanghaiko rankingak, funtsean, unibertsitateen ikerketen eragina neurtzen du, baita haiek nazioartean izaten duten ospea ere.
Iruzkinak
Ez dago iruzkinik
Ordenatu