FUTBOLA. Taldea Lehen Mailara igo eta bertan mantentzea lortu ondoren, Alavesek Mikel Crespo kargutik kentzea erabaki du. Taldea jaisteko postuetan dago, eta puntu bakarra eskuratu du sei neurketatan. Sentsazioak ere ez dira onak izan, hogei gol jaso baitituzte arabarrek, eta lau baino ez dituzte sartu. Levanteren aurkako biharko neurketan Raul Jaen egongo da aulkian, orain arteko bigarren entrenatzailea.
Realak eta Athleticek, berriz, gaur jokatuko dute; biak ala biak etxetik kanpo. Txuri-urdinek Atletico Madrilen aurka jokatuko dute (16:00) Txapeldunen Ligako postuetara gerturatzeko asmoarekin. Zuri-gorriek, berriz, Tenerifen jokatuko dute (18:00), Granadillaren aurka. Hamabosgarren postuan dago Athletic sailkapenean, eta jaisteko postuetatik lehenbailehen aldentzea du helburu.
Mikel Crespo kargugabetu egin du Alavesek
Iruzkinak
Ez dago iruzkinik
Ordenatu