Juan Carlos Borboikoa forudun izatea onartu dute Espainiako Kongresuan

MADRIL. Felipe VI.ak Espainiako koroa hartu ostean, Juan Carlos Borboikoa forudun bihurtzeko lege aldaketa onartu du Espainiako Kongresuko Justizia Batzordeak, PPren aldeko botoekin. PSOE abstenitu egin da; EAJk kontra bozkatu du, eta Amaiurrek ez du parte hartu bozketan. Felipe Borboikoa, Letizia emaztea eta Sofia ama ere forudun izango dira. Senatuak uztailaren 9 edo 10ean onartuko du behin betiko errege familiako lau kide forudun egitea. 1981eko otsailaren 23ko estatu kolpeagatik, Jose Luis Mazon abokatuak kereila bat jarria dauka errege ohiaren kontra, oraindik behin betiko artxibatu gabea.