Susaeta: «Arrastoa uzteko aukera polita dugu»

ATHLETIC. Markel Susaetak atzo aitortu zuen ostegunekoa dela bere kirol ibilbideko «partidarik garrantzitsuena». «Inoiz ez dut jokatu horrelako partida garrantzitsurik, eta ederra izango da. Manchester Uniteden eta Schalkeren aurkako partiden antzeko giro bikaina espero dugu. Historian arrastoa uzteko aukera polita dugu, eta aprobetxatu egin behar dugu», esan zuen atzo Athleticeko erdilariak.