Mailu jaurtiketako munduko marka ondu du Anita Wlodarczyk poloniarrak

ATLETISMOA. Berea zuen aurreko marka, baina ez dio utzi langa igotzeari Anita Wlodarczyk poloniarrak. Wroclaw-n (Polonia), etxeko zaleen babesean, 79,58 metrotik 79,83 metrora igo zuen mailu jaurtiketako munduko marka —iazko abuztukoa zen aurreko marka—. Atletismoko Nazioarteko Federazioak balekotzat ematea bakarrik falta zaio orain munduko marka behin betikoa izan dadin.