Adams: "Hil edo bizikoa da Espainiako Gobernuak modu positiboan erantzutea"

Gerry Adams Irlandako prozesuan giltzarrietakoa izan zen Sinn Feineko buruzagiak oso harrera ona egin dio ETAren erabakiari. "Adierazpen garrantzitsua da eta Euskal Herriko gatazka luzearentzako betiko amaiera ekartzeko potentzialitatea dauka", esan du Adamsek.

Baina hori gerta dadin, Espainiako Gobernuak ere urratsa egin behar duela uste du; areago, Madrilen jarrera hil edo bizikoa izango dela iritzi dio: "Orain hil edo bizikoa da Espainiako Gobernuak modu positiboan erantzutea eta gaurko iragarpenak sortutako bake prozesuan aurrera egiteko aukera baliatzea, eta laster negoziazio politikoak abiatzea".