Ailande Hernaez espetxeratu dute, zigorra betetzeko

Ailande Hernaez Langraizko espetxean (Araba) sartu zuten atzo, Espainiako Auzitegi Nazionalak ezarritako bost urteko kartzela zigorra betetzeko, AAMk jakinarazi duenez. Hernaez 2008ko abuztuan atxilotu zuen Guardia Zibilak, sabotaje batean parte hartu zuelakoan. Ez zuten inkomunikatu, baina guardia zibilen esku emandako denboran torturatu egin zutela salatu zuen.