Frantziako Poliziak Ainhoa Adin Jauregi euskal herritarra atxilotu du gaur Hendaian (Lapurdi), ETAri lagundu izan diolakoan, Alfredo Perez Rubalcaba Espainiako Gobernuko Barne ministroak jakinarazi duenez. Laurence Le Vert Frantziako epaileak agindu du operazioa.
Bere etxean atzeman du Poliziak, 6:30ean, eta, miaketa egin ondotik, eraman egin du, ordu eta erdi ingurura. Poliziak dioenez, ez dute armarik topatu haren etxean. Baionako polizia etxean daukate orain.
Irungoa (Gipuzkoa) da Adin. 1972an jaio zen.
Askatasunak Hendaiako herriko etxearen aurrean 19:00etarako elkarretaratzea antolatu du, eta operazioa salatu du.
Ainhoa Adin atxilotu dute Hendaian
Iruzkinak
Ez dago iruzkinik
Ordenatu
