Alberto Melendez

Iruñean hazia da: «Iruindartzat dut neure burua». Mediku izateko irrika, aspaldikoa: «Amak dioenez, umetan beti nioen sendagilea izan nahi nuela». Amestu zuen eran handitu zen: «Familia medikua naiz, baina ia hogei urte daramatzat zaintza aringarrietan». Arlo horretan ari da egun, Osakidetzan. Medikuntzaren adar horren sustatzaile joria ere bada, oraindik ere behar bezala hedatzeko dagoela iritzita. «Arta ohikoa izan behar lukete zaintza aringarriek, eta ez dira; sufrimendu handia dago etxe askotan». EAEn arlo horretan ari den Arinduz elkarteko presidentea da, eta Espainiako Secpal elkarteko presidenteordea.