Amets eta desio artean

Txikitan, desio bat betetzea nahi nuenean, begiak itxi eta, irekitzean, bete egingo ziren esperantza neukan. Nire desioa, ez zen inoiz betetzen,ordea. Orduan, ohean sartu eta ametsetan egitea gustatzen zitzaidan,gutxienez bertan desioak nola betetzen ziren ikusten nuen.

Oscar Pereirok ere amets egin du etapabakoitza amaitu ostean. Ihes egin eta pelotoiak irentsi ez bazuen garaipena lortuko ote zukeen amesten du. Gaur, ihes egin du, pelotoiak ez du usaitu ereegin eta,garaipena lortu du. Helmugaren marra zapaltzear zegoela,begiak itxi eta ireki ditu. Marra gurutzatu ostean, desioa bete egin zaio. Batzuen zortea eta besteen atsekabea.

Gaur gauean ereamets egingo du Pereirok. Baina gaurkoa desberdina izango da, ialorik egiten uzten ez duen horietakoa:gaur, betetakodesio batekin egingo du amets. Segituan begiak itxi eta ireki beharrean, begiak itxi eta, ez du irekitzeko gogorik izango; ez behintzat ametsa oso osorik pasatzen den arte.