Erretiratuen eta pentsiodunen federazioak salatu du gaur Bilbon “injustizia handia” dela urte askoz “herrialdearen motorra izan, eta 35 urtez baino gehiago kotizatu ondoren Espainiako Gobernuak pensioak izoztea". Ehunka erretiratu elkartu dira gaur Bilboko Justizia Jauregiaren aurrean, aurrez erretiratutako 85 pertsona epaitegian diren bitartean, Gizarte Segurantzak ezarritako "%40rainoko gehiegizko murrizketak" salatzen. Salaketa Espainiako Auzitegi Konstituzionaleraino eramango dutela agertu du Javier Garcia federazioko ordezkariak.
Erretiratuek pentsioaren %100 jaso nahi dute 65 urte betetzerakoan, eta ez orain jasotzen ari diren %60 eta %75, "gutxienez 35 urtez" kotizatu dutela baitiote.
Araba, Bizkai eta Gipuzkoako erretiratuek diote "injustizia handia" dela pentsioen izoztea
Iruzkinak
Ez dago iruzkinik
Ordenatu
