Espainiako Poliziak atzo eguerdian Oviedon (Asturias, Espainia) atxilotutako espainiarrak onartu du otsailaren bukaeran eman zizkiela lehergailuak atentatu egileei. Ikerketa iturrien arabera, atxilotuak lan egiten zuen mehategitik ohostu zituen lehergailuak. Espainiako Poliziak motxila baten barruan lehertu gabe gelditu zen bonba aztertu ondoren jakin du atentatua egiteko erabilitako leherkari mota ECO motako Goma2a zela. Leherkari hori Bugosko (Espainia) Paramo de Masa herrian egin zuten.
Iturri horien arabera, leherkari mota hori mehategi, harrobi eta lur-mugimenduetarako erabili ohi da, eta horren erosketa eta garraitzea Guardia Zibilaren kontrolpean egin behar da. Ikerketa iturriek diotenez, beste hipotesi bat ere zabalik dago. Haien ustez, litekeena da mehategiekin zerikusia duen enpresa bat sortu zutela atentatu egileek lehergailuak eskuratzeko.
Oviedon atxilotutakoaz gain, jatorri arabiarreko beste lau lagun atxilotu zituen atzo Espainiako Poliziak Alcala de Henaren, Meco eta Madrilen. Bostek poliziaren esku jarraitzen dute, lege antiterrorista aplikatu zaie eta litekeena da asteartean igarotzea epailearen aurretik.
Atxiloketak
Atentatuaren egileei lehergailuak eman zizkiela onartu du atzo atxilotutako batek
Iruzkinak
Ez dago iruzkinik
Ordenatu
