Atzo inbentarioa jasan zuten elkarteak

ARABA

Amurrio. 10:30ean iritsi zen Txoko Gorri elkartera Ertzaintzaren patruila bat. Inbentarioa egin eta joan egin ziren.

Laudio. Herrikoa duela hiru urtetik itxita egon arren, inbentarioa egin zuten.

Artziniega. Otsati elkartean sartu ziten ertzainak.

BIZKAIA

Gernika. 12:00etan iritsi zen Ertzaintza. Bezeroei irteteko agindu, eta inbentarioa egin zuten, tabernaria lekuko zela.

Getxo. Algortako Herrikoan sartu ziren goizean.

Ondarroa. Uxola elkartera joan ziren arratsaldean ertzainak, baina atea itxita zegoenez ez ziren sartu.

Lekeitio. Galarrena elkartean egin dute inbentarioa, eta tentsio uneak izan dira ertzainen eta protesta egitera hurbildutako jendearen artean.

Markina. Denbora gutxi egin zuten ertzainek Amaiur elkartean.

Deustua. 16:00etan iritsi, eta ordu erdian egin zuten inbentarioa Herrikoan.

Barakaldo. Inbentarioa egin zuten

Bilbo, Zorrotza auzoa. Inbentarioa egin zuten.

Bilbo. Zazpikaleetako Errondabide elkartera sartu zen batzorde judiziala 14:30 aldera.

Mungia. Inbentarioa egin zuten.

Dima. Inbentarioa egin zuten.

Larrabetzu. Inbentarioa egin zuten.

Derio. Txapela Herrikoan sartu ziren, 15:30ean. Ordu erdian egin zuten inbentarioa. Ertzain ugari zegoen.

Mallabia. Inbentarioa egin zuten.

Galdakao. 14:30ean sartu ziren, bezeroak kanporatu ondoren.

Zornotza. 45 minutuan egin zuten inbentarioa.

Zaldibar. Hiru ordu laurden pasatu zituzten ertzainek Castet elkartearen inbentarioa egiten.

GIPUZKOA

Urretxu. Eguerdian iritsi ziren ertzainak Aldiri tabernara. Tabernariaren aurrean egin zuten inbentarioa.

Zumarraga. Amalur elkartean une latzak bizi izan ziren. Elkartean zegoen jendea bortizki kanporatu zuten. Pertsona bat atxilotu eta beste bat zauritu zuten. Iluntzean askatu zuten atxilotua.

Legazpi. 14:45ean joan ziren ertzainak Arrano elkartera.

Ordizia. Arratsaldeko lehen orduan joan ziren ertzainak Herrikora.

Beasain. Arrano elkartean tentsio uneak bizi izan ziren ertzainekin.

Segura. 18:30ean azaldu zen Ertzaintza Elorripe tabernara. Hiru lekukoren aurrean egin zuten inbentarioa.

Arrasate. 11:30ean dozena bat ertzaina joan ziren Irati Herrikora. 15:45ean amaitu zuten inbentarioa. Taberna eta elkartea miatu zituzten.

Aretxabaleta. 17:30ean azaldu zen Ertzaintza Urbaltz elkartera.

Bergara. 18:30ean iritsi ziren ertzainak Arrano tabernara. Hiru lagun identifikatu eta beste hiru kolpatu zituzte ertzainek.

Andoain. 15:00ak aldera bertaratu ziren Irunberri elkartera. Elkartean egin zuten lehen inbentarioa, eta gero, tabernan.

Usurbil. Aitzaga elkartea beste auzi batengatik dago itxita. Ertzainek giltza bat eraman zuten elkarteko atea irekitzeko, baina ez zuten lortu.

Irun. 14:30ean sartu ziren Herrikora. Tabernaria izan zen lekukoa.

Pasaia. San Pedro auzoko Antxeta tabernara sartu ziren ertzainak 15:30ean.

Donostia. Loiola auzoko Ontza elkartean inbentarioa egin zuten.

Donostia. Amara Berri auzoko Ilunki elkartean inbentarioa egin zuten, 19:30ean.

Tolosa. Intxurre elkartera 15:15ean sartu ziren, ateko kristala hautsita.

Ibarra. 16:15ean sartu ziren Subegi elkartera. Ordubete egin zuten barruan. Kanpoan, berriz, informazio hori betetzera joan zen Tolosaldeko eta Leitzaldeko Hitza egunkariko kazetari bati argazki kamera kendu zion ertzain batek. Kazetariak kreditazioa eman zion ertzainari, eta kamera itzultzeko eskatu. Ia ordubete zain egon eta gero itzuli zion ertzainak kamera.

Villabona. Epailea eta idazkaria 16:50ean sartu ziren Iratzar elkartera, tabernako bezeroak aterarazi ondoren.

NAFARROA

Iruñea. Iruñazarra taberna sartu zen Guardia Zibila.

Bera. Espidobaita elkartera joan ziren.

Lesaka. Arrano elkartean sartu ziren guardia zibilak 15:30ean. Dena miatu ondoren, hiru ordenagailu eraman zituzten.

* BERRIAk eskuratutako datuak