"Basatitzat eta ikaragarrizkotzat" jo du Gonzalez de Txabarrik gaurko atentatua

Jose Juan Gonzalez de Txabarri Gipuzkoako Diputatu Nagusia Foru Aldundiko gainontzeko diputatu guztiekin atera da Madrilen izan den atentatuaren ondotik adierazpen instituzionala egiteko, premiazko bilera egin eta gero. Txabarrik "gogor" salatu du gaur goizeko atentatua. "Basatitzat eta ikaragarrizkotzat" jo du eta gaineratu du ez dagolea ñabardurarako lekurik. "Atentatu guztiak dira berdin-berdin gaitzetsi beharrekoak, baina gaurkoa benetan da doilorra. Jendez, langilez, haurrez beteriko trenetan lehergailuak eztandaraztea hori da gizagabetasun neurrigabekoaren erakusketa beldurgarria", esan du Gonzalez de Txabarrik.

Gipuzkoako Foru Diputatuak gaineratu du, ETAk berriro erakutsi duela zein den bere helburu bakarra, eta Gipuzkoako Foru Diputazioak biktima guztiei, haien senideei eta Madrilgo hiritar guztiei euren elkartasuna adierazi die.