'Egunkaria' itxi zutenetik lau urte bete direla eta, Jaurlaritzak gogor kritikatu du ekintza hura. "Komunikabide bat itxi zuten, eta pertsona talde bat susmopean jarri zuten, orain fiskalak agerian utzi duen bezala akusazi horiek egiteko frogarik ez zegoen arren", esan du Miren Azkarate bozeramaileak Jaurlaritzaren izenean. "Ekintza bidegabea izan zen, Justizia Administrazioaren jarduera arruntean bultzada politikoak eragindakoa".
Euskarazko kazeta hura itxi zutenetik 4 urte igaro direla nabarmendu du, eta, hala ere, Justiziak kasua argitu gabe jarraitzen duela. "Bidegabekeria horri Justizia Administrazioak komunikabide bat ixtea bezain ez ohikoa den neurri bat argitzeko gai izan gabe igaro duen denbora gehitu behar zaio. Ez da alferrikakoa oroitaraztea justizia egiten berandutzea bera injustizia dela".
'Egunkaria'-ren itxiera "bidegabea" eta "bultzada politikoaren" ondorio izan zela salatu du Jaurlaritzak
Iruzkinak
Ez dago iruzkinik
Ordenatu
