El País egunkariari eskainitako elkarrizketan egin ditu adierazpenok Jorge Fernandez Diaz Barne ministroak. Haren esanetan, "talde terrorista da dispertsioa amaitzeko prozesuan presoek duten oztopo handiena".
Barne ministroaren iritziz, ETA "hilzorian" dago, "baina ez hilik eta are gutxiago lurperatuta". "Aparatu politikoa soilik geratzen zaie, eta haren helburu nagusia da presoak Euskal Herrira gerturatuaraztea edo aske uztea lortzea".
Bestetik iragarri du ziurrenik urte bukaeran aldatuko dutela legea Frantzian egindako espetxealdia kontuan hartu dadin, Espainian akusazio beragatik jarritako zigorra betetzeko garaian.
