BERRIA.INFOk bihar Athletic-Bartzelona Espainiako Kopako finalaren kontakizuna zuzenean egingo du, Twitter sistema erabilita. Sustatu.com-ek ere bai, elkarlanean. BERRIAren webguneak lehengo asteartean ere erabili zuen modu hori Eusko Jaurlaritzako lehendakaria hautatzeko inbestidura saioan, eta egun horretan ohi baino bi mila bisita gehiago eduki zituen. Denera, ia hamabi mila. Finala 22:00etan hasiko da, eta BERRIA.INFOk eta Sustatu.com-ek ordubete lehenago ekingo diote zereginari.
BERRIA.INFOk Valentziatik bertatik egindako bideoak ere jarriko ditu webgunean. Julene Larrañaga bideo egilea dago han, eta dagoeneko bat igo du.
Finala zuzenean kontatuko du BERRIA.INFOk, Twitter bidez; bideoak ere igoko ditu
Iruzkinak
Ez dago iruzkinik
Ordenatu
