Auto bat pasatzen ari zela bonba bat lehertu eta, gutxienez, zortzi pertsona hil dira gaur Dagestanen, bertako Barne Ministerioak jakinarazi duenez.
Autoko lagunak telebista kate bateko instalazioak konpontzera zihoazen.
Errusiako Federazioaren mugen baitan dagoen Ipar Kaukasoko herrialdea da Dagestan, eta Txetxeniako egoerak zuzenean eragin izan du. Errusiak hara soldaduak bidali zituenean, ekintzaile islamistek Dagestango korridorea baliatu zuten gerrilla hornitzeko. 1999an muturreko hainbat ekintzaile islamistek bat egin zuten Txetxeniako gerrillarekin, eta estatu islamikoa ezartzea zen euren helburua; Errusiako soldaduek aise zapaldu zituzten, ordea. Asko dira musulmanak Dagestanen; haatik, Ipar Kaukasoko herrialderik pluralena da etnia eta hizkuntzaren aldetik. Kaspio Itsasora ematen duelako geopolitikoki gune garrantzitsuan dago.
Gutxienez zortzi lagun hil dituzte Dagestanen, atentatu batean
Iruzkinak
Ez dago iruzkinik
Ordenatu
