Espainiako Auzitegi Nazionaleko Zigor Salako laugarren sailak errugabetu egin du Harriet Iragi euskal presoa. Kordobako espetxeko hiru funtzionariori mehatxu egitea egotzita bi urteko espetxe zigorra eskatu zuen astelehenean Luis Barroso fiskalak.
Espainiako Auzitegi Nazionalaren epaiaren arabera, fiskalak Iragiri egozten dizkion egintzak espetxeko disziplina esparruari dagozkio. Hala ere, epaiak gaineratzen duenez egintza horiek ez lukete zigor izaerarik izango. Izan ere, Espainiako Auzitegi Nazionalaren ustez erabili zituen esapideak ez ziren "mehatxu terroristak" izan.
Harriet Iragi euskal presoaren aurka bi urteko espetxe zigorra eskatu zuen astelehenean Espainiako Auzitegi Nazionaleko fiskal Luis Barrosok. Hiru espetxe funtzionarioei mehatxu egitea egotzita egin zuen eskaera hori. Astelehenean egin zen epaiketan eskaera berretsi zuen fiskalak. Iragik uko egin zion deklaratzeari, eta ustez mehatxatu zituen hiru espetxe funtzionarioak deklaratu zuten ostean. Defentsak absoluzioa eskatu zuen mehatxu egin zuen frogarik ez dagoela argudiatuta.
De Juana epaituko dute bihar mehatxu terroristak egin zituelakoan
Bi urteko espetxe eskaera hori eta ostiralean epaituko duten Iñaki de Juana presoaren kontrako eskaera erabat kontrajarriak dira. 96 urteko espetxe eskaera egin zuen hasiera batean Fiskaltzak De Juanaren aurka Gara egunkarian argitaratutako bi iritzi artikulutan espetxe erakundetako arduradunak mehatxatzen zituela iritzita. Zigor eskaera berrikusiko zuela esan zuen gero, eta epaiketaren egunean ezagutuko da zein eskaera egiten duen.
Presoak
Harriet Iragi mehatxuak egotzita epaitu eta errugabetu egin du Auzitegi Nazionalak
Iruzkinak
Ez dago iruzkinik
Ordenatu
