Irakeko erreistentziako indarrek hiru soldadu britainiar hil dituzte eta beste bat larri zauritu dute gaur goizaldean Basoran, sarekada batean. Erresuma Batuko iturri militarrek azaldu dutenez, Armadako ibiligailu batean zihoazen soldadu horiek, eta kamioi gorri batetik tirokatu egin dituzte. Halaber, lehergailu bat jaurti diete.
Horrenbestez, hamar dira Irakeko gerra ofizialki amaitu zenetik erresistentziak hil dituen soldadu britainiarrak.
Londresko Defentsa Ministerioak jakinarazi duenez, erasoaren ingurukoak ikertzen ari dira, eta atentatua jazo den eremua hesituta daukate erresistentziak erabili duen kamioi gorriaren bila.
Iraken inbasioaren ondorioak
Hiru soldadu britainiar hil dituzte Basoran, sarekada batean
Beste militar bat larri zauritu dute eraso berean
Iruzkinak
Ez dago iruzkinik
Ordenatu
