Askatasunak gaur jakinarazi duenez, Igor Maiora eta Urtzi Murueta presoak aske utzi zituzten atzo, kasu desberdinengatik.
Maiora (Gasteiz) 2007ko abuztuaren 13an atxilotu zuen Ertzaintzak, kale erasoetan parte hartzea egotzita. Aurrez ere espetxean egona zen. Azken hilabeteotan Soto del Real eta Valdemoroko (Espainia) espetxeetan eduki dute. Lehengo ostegunean epaiketa izan zuen Espainiako Auzitegi Nazionalean, Gasteizen 2007ko maiatzaren 19an kutxazain baten aurka egindako erasoan parte hartzeaz akusaturik. Fiskalak bost urteko espetxe zigorra eskatu zuen haren aurka.
Muruetak (Leioa, Bizkaia), berriz, Foncalent-eko (Herrialde Katalanak) espetxetik irten zuen atzo. 2002ko azaroaren 19an atxilotu zuten Limogesko (Frantzia) ospitalean; lehergailu batek eztanda egin ziolako joan zen hara Murueta. 2007ko irailean Espainiaratu egin zuten.
2001eko azaroan Getxon (Bizkaia) Jose Maria Lidon epailea hiltzea leporatuta epaitu egin zuten joan otsailaren 28an eta 29an, eta absolbitu egin du epaileak. Fiskalak 30 urteko espetxe eskaera egin zuen haren kontra.
Igor Maiora eta Urtzi Murueta presoak aske
Iruzkinak
Ez dago iruzkinik
Ordenatu
