Osatuz doa pixkanaka hirigune elkargo bakarrarekiko udalerriek hartzen duten erabakiaren mapa. Azken orduetan, baiezkoaren zerrendara batu dira Irisarri, Ozaze eta Urdinarbe.
Proposamena onartzeko, herri guztien erdiek bozkatu behar dute alde gutxienez, eta alde bozkatzen duten herriek biztanleria osoaren erdia ordezkatu behar dute gutxienez. 24 dira jada alde bozkatu duten herriak, eta horiek 122.000 herritar ordezkatzen dituzte. Kontrakoak, aldiz, lau herri dira, eta guztira 32.000 biztanle daude herri horietan.
