PSE-EEko bozeramaile Patxi Lopezek esan duenez, ez da 'Lopez plana' egongo 'Ibarretxeren plana'-ri aurre egiteko."Euskadi osatuta eta definituta dago" esan du. "Estatutua sortzeko euskaldunen artean lortu zen akordioa ez da akats bat, hark osatu gintuen herri bezala". PSE-EEk mahai hura defendatzen jarraitzen duela adierazi du.
Autogobernuan aurrera egiteko kontsentsua behar dela esan dio Ibarretxeri. "Estatutu paktua hausten duten aldebakarreko proposamenek" ez dutela etorkizunik azaldu dio, eta gainera, bere ustez, "herri honen erdi batek ez du nahi beste erdiak bere erabakia hartzerik".
"Euskaldunon barne akordio bat behar dugu", dio. "Alderdi demokratiko euskaldunak bildu, eta berdinen arteko elkarrizketa prozesu bat" abiatzeko asmoa duela esan du, "estatutuaren erreformaren inguruan kontsentsua" lortzeko.
PSE-EE
Lopezek dio "kontsentsua" behar dela, eta ez alde bakarreko proposamenak
Iruzkinak
Ez dago iruzkinik
Ordenatu
