Maria Dolores Lopez Resina eta Agurtzane Delgado euskal presoak Espainiaratu egin dituzte gaur Frantziatik, Rennes eta Bapaume espetxeetatik, Askatasunak jakinarazi duenez. Espainiako Auzitegi Nazionalera eraman dituzte biak.
Lopez (Durango, Bizkaia) 2001ean atxilotu zuen Frantziako Poliziak, Akizen. Hemezortzi urteko kartzela zigorra jarri zioten, eta orain Espainiaratu egin dute aldi baterako, Auzitegi Nazionalean epaitzeko.
Delgado (Ermua, Bizkaia) 2000an atxilotu zuen Frantziako Poliziak, Baionan. Bederatzi urteko zigorra ezarri zioten eta aldi baterako entregatua izan zen. Auzitegi Bazionalean epaitu eta hemezortzi urteko espetxe zigorra ezarri zioten. Orain zigor hori betetzeko Espainiaratu dute.
Maria Dolores Lopez Resina eta Agurtzane Delgado Espainiaratu dituzte
Iruzkinak
Ez dago iruzkinik
Ordenatu
