Martxelo Otamendiren hitzaldiak egunotan Madrilen, Zaragozan eta Valentzian

Martxelo Otamendi Egunkaria-ko auzipetuak Euskal Herritik kanpo ere hitzaldiak emango ditu egunotan.

Bihar emango du aurrenekoa, Madrilen, Egunkaria-ren aldeko bertako plataformak antolatutako ekitaldian. 20:00etan izango da, Euskal Etxean.

Ostiralean Zaragozan izango da Otamendi, Prentsa: adierazpen askatasuna eta errepresioa hitzaldian. Carmen Lamarca abokatu eta unibertsitate irakaslea eta Ricardo Vazquez Prada idazle eta kazetaria edukiko ditu mintzalagun. Ekonomika Fakultateko aretoan hitz egingo dute, 19:00etatik aurrera. Egunkaria-ren aldeko Aragoiko Plataformak antolatu du hitzaldia.



Hilaren 19an (asteartea) Valentzian mintzatuko da, Accio Cultural del Pais Valencia elkarteak antolatutako ekitaldian (Egunkaria kazeta: adierazpen askatasunaren aurkako erasoa. Auzi judizialaren egoera). Urriaren 1a Kultura Kontenporaneoko Zentroan ariko da, 19:30etik aurrera.

Etzi, berriz, Lizarran (Nafarroa) izango da: Musika Eskola, 20:00.