Alderdi guztien adostasunarekin, Gipuzkoako Batzar Nagusiek aurrera atera dute A-8 eta AP-1 autobideetako ohiko erabiltzaileei hileko gastua gutxitzeko plana. Ohiko erabiltzaileek, VIA-T daukatenek, asko jota 25 euro pagatuko dituzte hilean. Diputazioak egin zuen proposamena, eta espero dute hilean 15.000 herritarri egingo diela mesede. Abenduaren 1ean jarriko dute indarrean.
Bidegik urtean 1,2-1,8 milioi euro gutxiago jasoko ditu neurri hori ezarrita. Larraitz Ugarte Bide Azpiegituretako diputatuak azaldu du, ordea, horrek ez duela Bidegiren egoera ekonomikoa nabarmen kaltetuko; errepideak mantentzeko kontratuak apalduta orekatuko dituzte kontuak.