Irregulartasun zantzurik ez zuten topatu sindikatuek ospitale pediatriako azterketan, baina Osakidetzak jakinarazi du ariketa baten zati bat bertan behera uztea erabaki duela epaimahaiak.
Azterketak bi zati zituen: batetik, testa; bestetik, ariketa praktikoa. Hain justu, bigarren zati horretan kasu kliniko batzuk ebaztea da zeregina. Kasu kliniko horietako bat utzi du bertan behera epaimahaiak, Osakidetzak azaldu duenez. Epaimahaiko zortzi kideetako batek kasu hori hizpide izan zuen orain gutxi kongresu batean, eta, beraz, uste dute litekeena dela azterketara joan zirenetako norbaitek horren berri izatea.
Osakidetzak nabarmendu du ariketa hori bertan behera utzi izanak ez duela eraginik izango deialdian, eta “aurrera” jarraituko duela prozesuak.
